Am Sunnti, 13. Ougste het dr Jodlerklub Iseltwald uf Harzisbode dr Bärgdorfet mit vier Toufine u viilne Bsuechende dörfte dürefüehre. Bi strahlendem Sunneschin hei sich Manne und Froue bim Steistosse und Platzgere gmässe u vorem Platzräge hei die verdiente Priise no a die Beste chöne übergäh wärde. Mitere wundervolle Abestimmig het dr Dorfet dörfe abschlosse wärde.
Dr Jodlerklub dankt de Mitwürkende (Buremusig, Alphornduo Harzis, Familiekappelle Wyttenbach sowie am Chinderjodlerchörli Haslital-Oberer Brienzersee), allne HälferInne und natürliche allne Bsuechende.
